漁牧 (已結業)

眾所周知食魚有益，佢有獨特嘅不飽和脂肪酸，有助降低膽固醇，從而預防心血管疾病。此外，仲含有豐富礦物質、鈣質及維生素。之但係。。。我係唔鍾意食魚嘅，啲魚有骨😔又有腥味！但一場黎到漁牧，點都要試下食燒魚啦！叫咗海鱸魚，因為有人唔食辣，所以配蒜香湯底。食唔到四川湯底，覺得好可惜！但係我錯啦。。一上枱，已經聞到香噴噴，試一試，魚肉甘香可口，冇骨，帶有濃濃蒜香！加配薯粉及其他蔬菜享用，薯粉索晒啲汁，又爽又彈牙！蒜香湯底比預期惹味！最後我哋食晒成條魚，連骨都「蒜」埋！順帶一提，憑單再光顧可以有優惠，叫燒魚可以半價，抵啊！