漁舍酸菜魚 (已結業)

甚少接觸川菜，最近對四川菜好有要求既同事強力推薦喺北角匯嘅漁舍酸菜魚，聽到佢咁落力推介都心動想試下🤓必食酸菜魚：魚柳大大嚿啖啖肉🤪 海量既酸菜同辣椒，好足料👍🏽酸辣湯底真係超正，又開胃又刺激，終於明白點解咁多人鍾意食酸菜魚，真係會好食到上癮🤤🤤涼拌土豆絲：微辣土豆絲好爽口，原來薯仔可以煮到咁好食，又長知識🤓！同事推介老乾媽鴨胸：平時成日聽老乾媽醬，見過人哋食面好似好辣。今次終於有機會試下佢咩料。唔算泰勒，帶有花椒嘅麻辣味，鴨胸好肥美，好好味食到停唔到口呀！今次試完呢個川菜，愛上咗川菜🥰原來真係好好味，餐廳環境又好乾淨，好舒適，下次要試埋水煮牛肉😝