海福樓 (已結業)

由於飲茶已進入化境，覺得間間一樣，款款點心已冇咗自己茶樓特色，所以已冇上茶樓好耐。今日公司食飯，人咁多都實係飲茶啦!食精推介呢到，嘩…估唔到樣樣點心都咁好味，真係離曬譜，食咗個好滿足既lunch! 下面續樣介紹吓先:一睇就知脆爆啦！仲見到分層肉質㗎!蘿蔔糕既腊味同蘿蔔料好香，咬落陣陣香氣，煎得個面脆脆哋，我哋食咗好多碟!糯米卷都攪d心思鼓油雞: 脆皮好味，再送埋脆卜卜蝦片，好正!蜂巢芋角，係超鬆脆，要食要食!野菌冬菇包: 我相信冇茶樓有掛?! 外表獨特，皮唔厚，包滿野菌，啖啖餡料!泥蓉西米焗布甸: 呢個真係要食，平時覺得西米焗布甸係較甜嘅，呢次用芋頭做餡，成個布甸又清香又微甜，感覺更健康!酥皮焗餐包: 個皮做得非常好，一層層酥皮好鬆，甜品嘅餡料都好回味!蝦餃: 鮮味、爽脆、彈牙既蝦、餃皮夠薄旦黃千層糕，又係明顯分層，超細心!腸粉超滑但唔易散開， 軟韌程度好适中。 真係好食到好多靚嘢都唔記得影相，因為同事們越食越瘋搶，冇影但仲好記得既係胡椒焗牛肉餅，勁濃牛肉味，多汁，加埋胡椒，成個餅香香辣辣，一流!