LAVA Bar & Restaurant (已結業)

自己好少食西班牙菜, 之前食過之後一試愛上, 知道屋企附近有呢間西班牙餐廳, 當然要嚟試試!薯仔奄列既蛋好香滑, 唔會完全熟哂, 蛋味濃郁, 中間仲有唔少洋蔥同肉粒增添香味同口感, 薯仔份量唔多, 雖然幾大個但唔會好飽滯。講到西班牙菜點可以唔食西班牙海鮮飯? 成個鑊咁上真系夠哂鑊氣! 飯粒粒分明有咬口, 唔會太淋, 被濃郁鮮味又香辣既海鮮汁包圍住, 好開胃! 蝦、蜆同魷魚等都夠新鮮, 唔會冇味道。最後既分子甜品賣相好靚好吸引! 雪糕香滑, 海綿蛋糕好似綿花咁, 相當特別, 不過份量細左啲, 食完唔太滿足呢。總括而言, 我同屋企人都好滿意呢間餐廳既食物, 環境氣氛仲唔錯添, 推介!