Chico Chica (已結業)

偶爾同朋友經過依頭，見成條街都係食肆，到到都排晒長龍，所以最後黎左依間Chico Chica坐低，店員簡單介紹左係食西班牙fusion菜，對大家黎講都幾新鮮，所以咩都想試試～餐廳位置都幾易搵，不過內裡環境比較細，可以因為太多人黎食既關係，都要等一陣先入座中英餐牌都有，岩晒唔同國藉既人黎食呢～而且菜名下方列有菜色既材料，岩晒唔同人既口味呢～漢人堡，店員推薦既一道菜，比人感覺就係「食過番尋味」！漢堡雖然份量小小，但味道就驚人得要大嗌好好食xd特別既係，佢用點心籠做菜盤，夠晒fusion之餘又好玩～味道方面，用饅頭當漢堡包，外層烘得好脆，內裡則煙韌，而且每咬一啖，和牛既肉汁都會流出黎，又香又濃，食落唔覺膩之餘仲好想嗌多籠呀～～～～Hanger牛排，岩岩好七成熟，牛肉好細嫩，肉質口感豐富，配上甘荀泥同洋蔥醬汁，令味道更加豐富，牛排食落完全唔乾，會食到佢既牛汁香～好誘人既一道菜！西班牙墨汁海鮮飯，愛食墨汁飯既我當然唔少得佢喇～賣相亦加左唔少分，係用我地好熟悉既煲仔飯既煲做盤，鮮味撲鼻而來，海鮮飯香得黎味道都好濃稠！味道滿分！墨魚食落煙韌有口感，而且海鮮啲料都好足下，完全唔會偷工減料～MOCKTA