泰廳 (已結業)

今晚同朋友黎左元朗既泰廳食晚飯呢間餐廳內裡設計充滿泰國風格無論設計同裝飾都好有藝術感而座位都坐得舒服，餐廳外亦設有外座位置第一時間點野食先，已經急不及待兩人同行，點左3樣食物包括👇🏻蒜容包，泰式咸肉炒通菜，明爐烏頭魚酸辣味蒜蓉包($44)即叫即整的，落單不久已傳來蒜香味，已經流哂口水了，呢到既蒜容包同一般食到既外型唔同，用厚身麵包切成長方磚型，四邊面都有滿滿蒜容牛油汁同焗到脆身既蒜粒重點係焗到金黃色 good！食落好豐富蒜香味 又唔會好淋身兩邊皮位焗到好脆身，堅正！$44有5件大大件真係值得翻吃！泰式咸肉炒通菜（$65）份量大大碟，通菜都新鮮同爽口，最欣賞d汁料有辣味之餘突岀到咸肉既香味明爐烏頭 酸辣汁（$145）有三種湯料 明爐/酸辣/冬陰公我地揀左酸辣味，感覺開胃d，成個魚身型既爐具上枱，另外亦有上多碗酸辣湯俾我地自己添加，烏頭都算大條，而且係先經煎炸過再放落爐上連湯滾，爐上配菜亦有好多，有豆角、西蘭花、椰菜花、紅蘿蔔同什菜等，吸收左酸辣湯既精華，可以送多碗飯😋幸好烏頭魚唔算多骨，對怕吐骨既朋友不用太過擔心，魚肉亦新鮮及嫩滑可口，正正的👍🏻