金太郎 (已結業)

(9/12/06)今次我要坐迴轉臺,但竟然無拎過迴轉帶既野。食左個"set":牛肉烏冬+三文魚壽司三件。烏冬出奇地好味!因為預期質感會好粉/好實趯趯的,點知是中上質素!加埋好香胡楜味的白湯,正正正!不過那些肥牛,"鞋"口既。三文魚壽司,壽司飯亦酸度適中,新鮮~白豚肉刺身,比上次大片,可惜咬落急凍水份頗多。燒三文魚骨,好香,算多肉,但油得緊要。今次再來,感覺越來越鍾意啊,想申請埋開心咭添呀!