金子半之助 (荃灣廣場)

營業中

休息中

今日近近地接左謙謙放學去到荃灣廣場到搵食， 原來B1開左金子半之助，謙謙二話不說拉左我入去食， 佢話超耐冇食過呢到丼飯和蕎麥麵喎。✡️ 半之助沙律 ～ 酸醋汁幾開胃， 生菜新鮮海葡萄爽甜， 炸蝦彈牙。✡️ 天婦羅白身魚 ～ 即叫即炸， 白身魚炸得剛好， 外脆內嫩滑。✡️ 海老天押壽司 ～ 喜歡佢用小木箱輕壓出來的壽司， 口感唔過會實， 炸過的蝦和紫蘇葉好夾， 配上佢地的醬汁更加提鮮。✡️ 迷你天丼（牡蠣）+ 北海道產蕎麥麵（冷）~ 天丼內的牡蠣有酥脆的外層包住，一咬落去厚厚的肉係口中溶化，切開炸半熟溫泉蛋比蛋漿慢慢滲入啲飯到，令每粒飯滋味滿分。另外謙謙最愛的冷蕎麥麵，將山葵加入冷麵汁拌勻， 放入蕎麥麵沾滿冷麵汁，冰涼之餘帶點點刺激味蕾的感覺，夏天最適合食呢個。叫呢個 set 可以加13蚊飲鮮果飲品放題。