餃餃餃子 (已結業)

同朋友係黃埔行完Wonderland之後，轉個灣就見到這間店舖，突然回想食拉麵嘅最佳配搭！於是便入去一嘗回憶。店舖間隔寬敞，入面位置重有梳化位置添！可惜只有兩個人，想不會叫好多餃子吃，誰不知啲餃子皮薄又多肉汁，朋友竟然吃得比我多！點了雞肉芝士餃子$42，皮薄，咬開時雞肉同芝士混埋一起，入口特別有口感、而人氣嘅Chao Chao餃子$23，煎得皮脆肉香，而裡面嘅餃肉仍然充滿肉汁、燒雞泡魚乾$38，燒得啱啱好，入口煙韌彈牙，送酒一流、日式牛筋豆腐煮$38，牛筋超級軟熟，加埋跟上嘅肉汁，入口時可以感覺到味道鮮甜，而豆腐亦超嫩滑加埋浸泡在碗中，吸收肉汁味道後更加好味、另外個日式鰻魚飯$68，鰻魚超肥美，加上鰻魚汁嘅飯身，入口軟熟，一啖飯一啖鰻魚，真係超好味！朋友吃餃子嘅速度真的超快！一隻跟住一隻！最後加埋呢到嘅特色甜品，朱古力餃子配雪糕$38又熱又凍嘅感覺好正！薄薄啲餃子皮包住軟滑嘅朱古力，加埋個冰凍嘅雪糕球，就可以滿足到吃餃子嘅欲望！