叙滿庭 (已結業)

經朋友推介，便三人行到叙滿庭晚餐，試試不同的菜色。我哋叫左水煮魚鍋、醉雞、雞絲兩麵皇、酸辣粉、小籠飽、仲有一客豆沙鍋餅。水煮魚鍋味道香辣，魚片香滑可口，裡面仲有一些水晶粉，QQ滑滑的，吸左的水煮魚湯好好味！醉雞，幾滑，酒味清香，而且賣相圓圓的，十分可愛！雞絲兩都皇，麵質香脆，加上充滿麻油香的汁，真係好好味！不過要快食，因為D汁會把麵浸淋！酸辣粉，味道OK，但粉的質地略為「淋」左D，冇乜口感。小籠飽，一般，可能自己對小籠飽要求高啦！佢都有湯在飽內，但味道平凡，賣相亦一般。豆沙鍋餅，好味！好香！皮脆餡香！餡料散發出淡淡的桂花香味，不會太甜，讚！店舖所有辣的食物都有大中細辣，可以在落單時要求的！