品蓮素食 (已結業)

前幾晚放工，饑腸轆轆的版主卻不立即係附近搵地方開飯，係都要搭住「4個轆」🚍「轆」到去深水埗先開餐，究竟係搞乜呢？箇中原因，一言以蔽之，就是鄧不利多同哈利波利講的一句:「係愛呀哈利」。咁版主又愛乜呀🤔………咪就係愛💖深水埗「品蓮」大大碟的美味小菜，所以係都要「轆」去個度囉這次的晚飯，揀選了一些包含多元化食材的小菜~「素翅津白雲吞煲」和「XO醬窩筍魚腐猴皇菇」。雲吞煲大約有10粒雲吞，黃色的雲吞皮，視覺上挺特別，雲吞入口，有淡淡的香味，說不出是哪種食材，但總之就是美味的啦😋。「XO醬」的小菜，醬料惹味而不辣，啱哂唔襟辣的版主。而小菜中的3款食材:窩筍、魚腐、猴皇菇，每件的size剛剛好，不會大到吃不入口(其實出現這情況的機會應該甚微的🙈)，更重要的是不會切得太細件，而令很餓的版主要狼吞虎嚥地把多件食材同時放進口中😆，使版主能夠以較優雅的食相來填飽肚子。當晚大約8時來到品蓮，店內客人的總數只有10個🤦‍♂️，當時也忍不住立即在幾個素食wtsapp谷中告知朋友們路過深水埗時來支持下。希望大家一齊來試試品蓮的抵食小菜，包保你會吃到捧腹而回的👍