僕之拉麵 (已結業)

黎旺角行街，呢間拉麵係一間醫肚既好選擇，拉麵質素好，店員又友善。特選拉麵配清湯 : 有正常份量1.5倍既义燒 同一大塊灸义燒，仲有紫菜、蔥、味荀同味付雞蛋。呢碗拉麵好啱鍾意食肉既朋友，塊灸义燒味道簡直一流，灸燒過肉味特別香濃，脂肪部份更非常香脆惹味。人氣拉麵配濃湯 : 特濃湯底豬骨味濃厚澎湃，配料有义燒、粟米、紫菜、蔥、味荀同味付雞蛋，份量一啲都唔少，CP值高。唐揚炸章魚 : 章魚彈牙，食得出好新鮮，炸到鬆脆啱啱好。章魚燒 : 上枱時粒粒都脹卜卜，章魚燒上面既柴魚片郁下郁下極吸引，入口仲熱辣辣非常美味。