影片
更多
2017-05-02
835 瀏覽
放假瞓醒午覺，突然覺得好肚餓，突然醒起之前同朋友食過慕茶都覺得好好食，所以就決定帶老公來試試。聽朋友講知道慕茶經常都好爆，所以就嗱嗱聲book到6點有位就衝上去！由於我哋5點50分已經去到，所以我哋做到晚市第一台客人，其實慕茶嘅環境都好清靜，雖然冇乜嘢豪華裝修，但俾人既感覺真係好舒服！另外仲好欣賞佢哋有個自助餐冷熱水區，想飲水都唔使下下叫侍應姐姐幫手其實慕茶既食選擇唔算多，不外乎都係main dish，小食，all day breakfast ，飲品同甜品。不過好食嘅嘢貴精唔貴多，淨係餐牌上有嘅嘢已經夠我哋選擇困難最後我揀咗三文魚松露天使麵配玫瑰花有氣冰茶。身為松露控既我係天使麵送過來嗰已經比四方八面嘅松露衝擊左一拳急不及待就嗱嗱聲拎起枝叉食食食食食！香味四溢嘅松露加上creamy嘅忌廉汁，緊緊纏着每一條嘅天使麵，再配上油脂豐富嘅煙三文魚，果刻我實在覺得自己太幸福啦至於玫瑰花有氣冰茶係我第一次嘗試嘅飲品，淡淡的紅茶加上少少氣泡，每一啖都係香香而不做作嘅玫瑰花味，感覺真係令人煥然一新至於老公就揀咗茄醬牛漢堡意粉配抹茶紅豆奶綠。雖然我係唔食牛嘅，我都試咗小小茄醬意粉。微微酸嘅茄醬入面有新鮮
聽朋友講知道慕茶經常都好爆，所以就嗱嗱聲book到6點有位就衝上去！
由於我哋5點50分已經去到，所以我哋做到晚市第一台客人，其實慕茶嘅環境都好清靜，雖然冇乜嘢豪華裝修，但俾人既感覺真係好舒服！
另外仲好欣賞佢哋有個自助餐冷熱水區，想飲水都唔使下下叫侍應姐姐幫手
其實慕茶既食選擇唔算多，不外乎都係main dish，小食，all day breakfast ，飲品同甜品。
不過好食嘅嘢貴精唔貴多，淨係餐牌上有嘅嘢已經夠我哋選擇困難
最後我揀咗三文魚松露天使麵配玫瑰花有氣冰茶。身為松露控既我係天使麵送過來嗰已經比四方八面嘅松露衝擊左一拳
急不及待就嗱嗱聲拎起枝叉食食食食食！
香味四溢嘅松露加上creamy嘅忌廉汁，緊緊纏着每一條嘅天使麵，再配上油脂豐富嘅煙三文魚，果刻我實在覺得自己太幸福啦
至於玫瑰花有氣冰茶係我第一次嘗試嘅飲品，淡淡的紅茶加上少少氣泡，每一啖都係香香而不做作嘅玫瑰花味，感覺真係令人煥然一新
至於老公就揀咗茄醬牛漢堡意粉配抹茶紅豆奶綠。
雖然我係唔食牛嘅，我都試咗小小茄醬意粉。微微酸嘅茄醬入面有新鮮番茄同洋蔥加上小小香草，令到老公不知不覺已經食晒成碟意粉，但可惜嘅是我就為唔到塊漢堡牛寫食評啦！
至於杯抹茶紅豆奶綠，香濃嘅奶味配上淡淡嘅綠茶仲有甜甜嘅紅豆，直情一次過滿足三個願望
食飽飽正餐之後就到我最期待嘅甜品時間來到慕茶當然要是茶味雪糕啦！
雖然睇樣唔係好分到邊個係玄米白茶同邊個係功夫茶雪糕， 但食落嘅味道就好大分別！
我哋覺得玄米白茶比較好味，因為白茶同玄米嘅味道好平衡，唔會各自搶去對方嘅風頭。好似飲緊一杯凍嘅玄米白茶一樣
不過相比之下功夫茶雪糕就比較遜色，我覺得依個雪糕比較似咖啡味多個功夫茶味。但並不代表唔好味，只係我覺得自己似食緊咖啡味雪糕
最後以＄233埋單，以人均消費＄100鬆啲倒食到咁嘅質素晚餐絕對超值
張貼
