影片
更多
2016-07-02
628 瀏覽
係附近做完facial，肚仔餓餓地，落雨濕濕又唔想行咁遠。咁岩俾我見到對面開左呢間內Mango X'press，醫左肚先算，哈哈 XD特調藍蝶芒果露 $26先黎一杯特調藍蝶芒果露，好特別既顏色，又藍又黃。開頭以為藍色係用色素整成，好奇之下問左店員，原來藍色係藍蝶既花液，絕對天然。因為加左梳打水既關係，杯野酸酸甜甜，加埋細細粒既奇丫籽，飲落去好涼，好爽。炸雞併花枝丸(雙併) $34由於係新鮮即炸既關係，所以店員落單果陣已經提左我，需要D時間等等。開頭黎到見到上面滿滿既黃色醬，心諗死喇，我唔食芥末架喎。但係既然黎到，無理由而家先叫人走醬，硬住頭皮食左粒。咦！個味咁得意既！少少芥末味，但係又唔會話好重，連我呢D唔食芥末既人都接受到WOR。原來係芥末溝左芒果汁，又幾好食喎。炸雞夠嫩，雞肉仲好有肉汁。而個花枝丸口感好彈牙，仲有粒粒花枝提升咬口 芒果綿綿冰 $52臨起行之前，叫多左個芒果綿綿冰，皆因見到 "配愛文冰淇淋"。之前係其他舖頭食過愛文芒，已經知道係無得輸。好大杯芒果綿綿冰，愛文雪糕、爆珠、海藻珠，仲有加厚版河粉。陣陣芒果香味，細滑綿綿冰，每啖都有香甜芒果味，爆珠同海藻珠都增加左
特調藍蝶芒果露 $26先黎一杯特調藍蝶芒果露，好特別既顏色，又藍又黃。開頭以為藍色係用色素整成，好奇之下問左店員，原來藍色係藍蝶既花液，絕對天然。因為加左梳打水既關係，杯野酸酸甜甜，加埋細細粒既奇丫籽，飲落去好涼，好爽。
炸雞併花枝丸(雙併) $34由於係新鮮即炸既關係，所以店員落單果陣已經提左我，需要D時間等等。
開頭黎到見到上面滿滿既黃色醬，心諗死喇，我唔食芥末架喎。但係既然黎到，無理由而家先叫人走醬，硬住頭皮食左粒。咦！個味咁得意既！少少芥末味，但係又唔會話好重，連我呢D唔食芥末既人都接受到WOR。原來係芥末溝左芒果汁，又幾好食喎。炸雞夠嫩，雞肉仲好有肉汁。而個花枝丸口感好彈牙，仲有粒粒花枝提升咬口
芒果綿綿冰 $52臨起行之前，叫多左個芒果綿綿冰，皆因見到 "配愛文冰淇淋"。之前係其他舖頭食過愛文芒，已經知道係無得輸。
好大杯芒果綿綿冰，愛文雪糕、爆珠、海藻珠，仲有加厚版河粉。陣陣芒果香味，細滑綿綿冰，每啖都有香甜芒果味，爆珠同海藻珠都增加左口感。令外不得不讚個底，椰汁加上加厚版河粉，淡淡地，但係同上面既芒果完全無半點遺和感。成杯綿綿冰每一樣都好夾，好豐富
張貼
