大漠 (已結業)

哩間餐廳想黎好耐啦!! 但因為地方都幾隔涉, 土瓜灣好日都唔會黎一次. 咁岩今日友人到附近, 正好可以借機試一試哩間“羊專門店”.兩人叫左羊扒 (本身5成熟), 烤羊架8件, 羊芝士焗蝦先來支新彊黑啤. 見到每台都有叫. 係用瓷碗黎飲, 個碗都雪得好凍! 味道係普通啤酒味. 仲淡d. 羊扒($83), 中間透點紅色, 食起上黎好嫰滑, 又冇筋, d 汁都整得好好味, 但嫌冇乜羶味. 有d 蒜o係面, 夠香又有點脆. 烤羊鞍($165). 原以為一件兩野食完既羊鞍…點知一件原來好鬼大件. 唔好以為好似出去d 餐廳咁薄切切. 真係可以有成吋厚. 燒得好正, d 肉仲紅紅地, 仲有d血, 正! d 肉好嫩呀! 因為多脂肪, 所以都幾夠羶. 但d 脂肪位幾難咬開. 羊芝士焗蝦($108), 有4隻. 嘩, 好大件. 本以為唔多抵食,雖然係開邊, 但見到個樣都抵返晒! 蝦肉都幾爽口. 蝦上面一層厚厚既粉漿, 入面有芫茜食落好香, 仲有少少溶溶地既芝士, 但就冇羊味, 都冇乜芝士味, 鹹鹹地咁.比較失望既係羊奶凍($22),雖然好滑, 但真係超超超甜 又1冇羊味冇奶味. 真係唔太得. 反而送既桂