蛋藝工房 (已結業)

好耐冇嚟天水圍新北江商場，我覺得佢係一個另類雜亂型商場，如果有心機慢慢行，有時都會有啲好嘢。今日我就有新發現了，一間剛新開2個月，走文青路的小店「蛋藝工房」。店子不大，坐位不多決定外賣。恰好下午茶時間，選了6吋「蜜汁豚肉墨西哥pizza」跟餐熱椰奶（$40）。然後再加碼要多個「黒松露野菌炒滑蛋飯」（$50），加＄14試埋個齊茶。打開Pizza盒，香到連貓咪都忍唔住要過嚟食埋一份。Pizza 不弱，估唔到批底超脆，醬汁似是千島醬汁加义燒，食落居然又幾夾。餐飲熱椰奶很香甜。「黒松露野菌炒滑蛋飯」，蛋果然是主打，很有驚喜，珍珠米飯已很香，炒蛋超滑，配埋秘製醬汁及黒松露冇得輸。「齊茶」港式奶茶味道，奶茶濃滑，不錯！店雖小，仍然準備迎接聖誕，設計多款派對美食，還有cup cake。要開party叫到會，大家又有多個新選擇了！留意店舖較細小，堂食坐位不多，外賣約等十分鐘左右。最後還發現加＄5可以配一份莞茜加入炒滑蛋內，啱我勁愛莞茜人士，下次一定要試。