夢樂園 (已結業)

15:15下午茶時間，嚟到呢間貓貓cafe。未入門口，已經有兩隻貓貓迎接我。🐱🐱一入嚟，就見到牆上嘅壁畫，店主話係佢自己親手畫嘅，好有特色，打卡一流。呢個時間叫lunch set 會抵啲。野食好快就嚟到，味道同service都係家庭式，好親切。叫左肉躁鳥冬，花枝丸，同埋店主自己煲嘅冬瓜茶。食之前記得撈一撈個烏冬，咁就每啖都好味啦！等緊食物嘅時候，啲貓貓係咁八八掛掛地嚟搵我。原來呢個鐘數係貓貓放飯時間，明明訓緊覺嘅都突然變得好活躍，係到跑來跑去。店主好好人，仲俾咗啲零食我，等我可以近距離接觸貓貓。勁得意呀！ ！原來呢度四隻貓之中有兩隻係店主領養，好有愛心💗，一定要支持！如果係一家大細，或者拍拖，就更加要來啦。