影片
更多
2024-01-06
272 瀏覽
幾年前去過旺角第一間既分店，好耐無黎，今次去左荔枝角分店。▪︎餐牌▪︎牛油多士條＆蘑菇忌廉湯(跟餐)多士有小小牛油＆甜味同好脆，湯質地較杰，但蘑菇味唔係好夠。聖誕蜜糖燒春雞伴蘑菇忌廉燒春雞有小小蜜糖味，肉質唔錯，唔會好乾。半隻雞黎講都幾大隻，佢既薯菜同薯茸都好味道。慢煮豬柳伴蔓越莓醬豬柳初時見到咁紅有啲驚，不過娘親話應該熟既😂肉質幾滑，配埋微甜、微酸既蔓越莓醬，成件事都好夾，蔬菜佢整得幾好食，仲食到個瓜同片好juicy，同埋食到佢本身既蔬菜味，薯茸都整得幾好食，好creamy，味道滑而不漏，入口半溶。凍美式咖啡＆凍400次玫瑰咖啡美式咖啡我試左兩啖，啡底唔算好濃郁，但飲落順喉幾解渴，同埋唔係酸味重既啡。因為個名所以好奇又叫黎試下，400次玫瑰咖啡，不過個人覺得甜左d，但本身係點餐個度無得揀少甜少冰，玫瑰味有但啡味唔重，玫瑰奶既感覺帶輕微啡底，如果想啡味重既朋友可以嗌其他野飲。店內好多貓貓，平日都有好多人黎食野同探貓。
幾年前去過旺角第一間既分店，好耐無黎，今次去左荔枝角分店。
▪︎餐牌▪︎
牛油多士條＆蘑菇忌廉湯(跟餐)
多士有小小牛油＆甜味同好脆，湯質地較杰，但蘑菇味唔係好夠。
聖誕蜜糖燒春雞伴蘑菇忌廉
燒春雞有小小蜜糖味，肉質唔錯，唔會好乾。半隻雞黎講都幾大隻，佢既薯菜同薯茸都好味道。
慢煮豬柳伴蔓越莓醬
豬柳初時見到咁紅有啲驚，不過娘親話應該熟既😂肉質幾滑，配埋微甜、微酸既蔓越莓醬，成件事都好夾，蔬菜佢整得幾好食，仲食到個瓜同片好juicy，同埋食到佢本身既蔬菜味，薯茸都整得幾好食，好creamy，味道滑而不漏，入口半溶。
凍美式咖啡＆凍400次玫瑰咖啡
美式咖啡我試左兩啖，啡底唔算好濃郁，但飲落順喉幾解渴，同埋唔係酸味重既啡。
因為個名所以好奇又叫黎試下，400次玫瑰咖啡，不過個人覺得甜左d，但本身係點餐個度無得揀少甜少冰，玫瑰味有但啡味唔重，玫瑰奶既感覺帶輕微啡底，如果想啡味重既朋友可以嗌其他野飲。
店內好多貓貓，平日都有好多人黎食野同探貓。
張貼
