影片
更多
2022-09-09
420 瀏覽
最近喺ig見到呢間🌸cake shop，十分欣賞店主嘅用心同堅持，決定要支持吓小店。💕店主本身係護士，對健康、營養有一定嘅要求，更關心到糖尿病人士對食蛋糕嘅渴求。所以佢做嘅蛋糕都秉承住健康嘅宗旨去研發蛋糕嘅食材、用料、調味。更吸引我嘅係蛋糕健康得嚟，外形靚靚♡訂蛋糕前緊係要做吓功課，除左了解左店主嘅背景資料，我都好奇無糖蛋糕係咪真係無糖😅。原來店主係用左稀有糖，減肥/體重控制人士都一定有聽過稀有糖嘅珍貴同天然成份。除左用糖考究，喺攞蛋糕時，店主問我攞得遠唔遠，我起初以為攞得遠會有咩額外優惠(諗多左😅)原來店主提到佢蛋糕用嘅忌廉唔係一般忌廉，係成份似雪糕嘅忌廉(其實我唔識分)，感覺會更滑，味亦更健康，因為當中包含嘅係靚脂肪。缺點係會比一般忌廉更易融化，所以擔心我拎得遠，蛋糕唧花會崩塌。同同事最後揀左無糖伯爵茶忌廉蛋糕。見到蛋糕一刻真係好開心，因為同網上圖片相似度近乎100%，忌廉唧花好靚。同事奇怪蛋糕都會無糖? 會唔會無嚟味道? 我最初都有呢個擔心。第一啖入口都有d緊張，會唔會中伏? 結果係……真係幾啖口嘅，不過唔會係完全唔甜咁，似係食蒸饅頭果種微甜再多少少甜嘅感覺，加上忌廉嘅甜味，我覺
店主本身係護士，對健康、營養有一定嘅要求，更關心到糖尿病人士對食蛋糕嘅渴求。所以佢做嘅蛋糕都秉承住健康嘅宗旨去研發蛋糕嘅食材、用料、調味。更吸引我嘅係蛋糕健康得嚟，外形靚靚♡
訂蛋糕前緊係要做吓功課，除左了解左店主嘅背景資料，我都好奇無糖蛋糕係咪真係無糖😅。原來店主係用左稀有糖，減肥/體重控制人士都一定有聽過稀有糖嘅珍貴同天然成份。除左用糖考究，喺攞蛋糕時，店主問我攞得遠唔遠，我起初以為攞得遠會有咩額外優惠(諗多左😅)原來店主提到佢蛋糕用嘅忌廉唔係一般忌廉，係成份似雪糕嘅忌廉(其實我唔識分)，感覺會更滑，味亦更健康，因為當中包含嘅係靚脂肪。缺點係會比一般忌廉更易融化，所以擔心我拎得遠，蛋糕唧花會崩塌。
同同事最後揀左無糖伯爵茶忌廉蛋糕。見到蛋糕一刻真係好開心，因為同網上圖片相似度近乎100%，忌廉唧花好靚。
同事奇怪蛋糕都會無糖? 會唔會無嚟味道? 我最初都有呢個擔心。第一啖入口都有d緊張，會唔會中伏? 結果係……真係幾啖口嘅，不過唔會係完全唔甜咁，似係食蒸饅頭果種微甜再多少少甜嘅感覺，加上忌廉嘅甜味，我覺得恰到好處。而配合埋伯爵茶嘅茶香，因為蛋糕本身唔太甜，反而因此唔會搶過茶味之餘，仲食到回甘嘅佛手柑香氣。
伯爵茶嘅茶香味一向係我鍾意嘅，睇返d資料，呢個伯爵茶蛋糕棄用茶精，而更精心地用茶葉研磨、烘亁等步驟去製作，所以入口嘅茶味會更香、更醇。亦因為用左茶葉，所以食蛋糕時會食到粒粒嘅口感，我幾鍾意呢種要咀嚼嘅口感，不過同事話食落好似有渣咁😆，真係唔同人有唔同嘅喜好。
張貼
