雍雅食堂

營業中

休息中

觀塘返工嘅人都會明白，一到放飯時間四圍都係人，而且來來去去都係價錢唔平嘅西餐/茶餐廳，呢間位於工廈內嘅食堂就啱晒我口味。平時放工晏屋企留飯就好少有蒸魚食，所以發現左呢個食堂好開心。午飯時間呢度嘅套餐幾乎乜魚都有，黃花，鱸魚，馬友，䱽魚，盲曹，海斑，清蒸豉汁，冬菜蒸都有，最適合鐘意食魚嘅朋友，仲有例湯加時菜，完全係家的感覺。蒸魚餐$69-$90不等，性價比好高。呢度晚巿仲可以食私房菜，最低消費$3000，三日前預約，下次公司食飯可以試下。