八一蕃巴蜀烤魚店 (砵蘭街) (已結業)

朋友因為好鍾意食魚，上網搵到呢間烤魚店。雖然店舖細細，同埋位置都幾偏僻，但入到去卻全店爆滿！基本上入到店，個個都會叫烤魚，而見到牆上好多報紙報導嘅訪問，相信都有一定嘅信心保證。烤魚方面有7款，今次叫左酸菜味烤魚，魚都有2款，一款比較多骨，一款少啲骨。上菜時，用爐一直燒住，熱呼呼的... 魚肉夠鮮味，加上有啲巴蜀香料味同埋酸菜，令燒魚的味道更特別。串燒方面都唔錯，燒得挺香。涼菜方面就一般，例如雞絲粉皮唔夠凍，花生太大粒。但整體上都算唔錯，如果鍾意食魚嘅朋友，不妨一試。