閨•家 (美基樓) (已結業)

今次黎閨家食最主要嘅係掛住佢嘅手剁蓮藕餅，呢度嘅蓮藕餅唔會太硬或者太淋，咬入口到啖啖爽口嘅蓮藕粒，好有以前媽媽煮嘅味道。另外同行家人就叫左個招牌豬扒甘筍麵，其實佢本身係想食紫薯麵嘅，不過店員就話紫薯麵同菠菜麵已經賣晒，估唔到下午一點黎食都冇晒，仲要今日已經唔算多人黎排隊。另外仲叫左個小食香茅雞翼同炸饅頭，雞翼嫩滑得黎而且醃得好入味，而香脆嘅炸饅頭被煉奶浸住，煉奶嘅份量雖然比深水埗嘅分店比下去，但一樣都令我食唔停口。