影片
更多
2021-05-09
6286 瀏覽
想食1881公館ODEA嘅tea set好耐啦…但比我發現行多幾步入去后園Courtyard嘅tea set仲吸引，鳥籠造型加埋又中又西嘅點心、咸食同甜品，可以滿足我地3個願望！平時可以係后園對出嘅露天area享用呢個鳥籠tea set，可惜當日天氣唔太好，就安排咗係餐廳內享用，其實餐廳內古色古香嘅裝潢都有另一種風味。一嚟就點咗飲品先，朋友要咖啡，我就點咗Earl grey tea，係中國風嘅餐廳環境底下飲住西茶，真係既衝擊又有新意。先講tea set嘅甜品，以草莓口味為主，其中海綿蛋糕同草莓開心果撻我都幾鍾意，啱晒甜品控，又靚又好食！草莓開心果撻層次豐富，蛋糕部分好軟滑，撻底夠脆。海綿蛋糕鬆軟，忌廉唔會膩口，加入草莓果肉加分啊！連scone都有隻味係草莓味，scone本人都幾鬆軟又唔會乾！另外好驚喜外貌好似抹茶卷蛋嘅咸點，內裡原來包裹住鮮味嘅龍蝦肉，配埋大大粒草莓又唔會好違和，幾特別！除咗龍蝦嘅咸食，呢款小pancake外面包圍住caviar，內裡藏咗一絲絲蟹肉，蟹肉仲帶有草莓味呢！中式嘅餃同包點都唔錯呢～好足料！其中刺蝟造型嘅芝麻麻蓉包好可愛呢～內裡芝麻餡同擂沙湯圓嘅濃度有得揮！旁
平時可以係后園對出嘅露天area享用呢個鳥籠tea set，可惜當日天氣唔太好，就安排咗係餐廳內享用，其實餐廳內古色古香嘅裝潢都有另一種風味。
一嚟就點咗飲品先，朋友要咖啡，我就點咗Earl grey tea，係中國風嘅餐廳環境底下飲住西茶，真係既衝擊又有新意。
先講tea set嘅甜品，以草莓口味為主，其中海綿蛋糕同草莓開心果撻我都幾鍾意，啱晒甜品控，又靚又好食！
草莓開心果撻層次豐富，蛋糕部分好軟滑，撻底夠脆。海綿蛋糕鬆軟，忌廉唔會膩口，加入草莓果肉加分啊！
連scone都有隻味係草莓味，scone本人都幾鬆軟又唔會乾！
另外好驚喜外貌好似抹茶卷蛋嘅咸點，內裡原來包裹住鮮味嘅龍蝦肉，配埋大大粒草莓又唔會好違和，幾特別！
除咗龍蝦嘅咸食，呢款小pancake外面包圍住caviar，內裡藏咗一絲絲蟹肉，蟹肉仲帶有草莓味呢！
中式嘅餃同包點都唔錯呢～好足料！
其中刺蝟造型嘅芝麻麻蓉包好可愛呢～內裡芝麻餡同擂沙湯圓嘅濃度有得揮！
旁邊嘅京都豆腐奶凍就係我最愛，質感超滑溜同埋豆腐味都好出！
整體好適合同閨蜜一齊去食下午茶，影相打卡談下心。
張貼
