影片
更多
2018-03-25
316 瀏覽
※本文以用餐當日的環境、服務和食物質素為準，口味亦因人而異，文章只作參考之用。-與男人在荃灣廣場睇戲前要先醫醫肚，可惜荃廣比我的感覺係無啖好食！最終都會去返對面街搵食（享和街/大壩街），最後揀左呢間新開不久的 “Hygge”，主打多國菜，最有綽頭必定係食完會變唐老鴨聲的氫氣球甜品！我們約六點去到，還未到高峰的晚飯時間，大約到七點多人流開始不少。餐牌上的選擇不少，大部分主菜更可加$38轉成套餐，會包括餐湯和飲品，黑板上也有列出是日精選。(餐牌在文末)先黎蒜蓉味同提子味既餐前麵包，麵包微熱咬落軟熟，可搭配餐湯享用。前菜有阿根廷芝士，食落充滿鹹香，但又唔會太鹹，食落仲帶點薯仔味，令我倆打開左胃口。椰菜花湯第一次飲椰菜花味既西湯，質感打得很滑，飲落椰菜味很出，好飲又健康。柚子蘋果沙冰及士多啤梨乳酪沙冰 跟餐每杯半價 $28 （原價 $56）分別點左兩杯果味既沙冰，賣相好解暑。飲落果味頗重不假，柚子蘋果沙冰飲落帶微酸，味道香甜解渴！士多啤梨乳酪沙冰有天然果香，兩杯都唔錯，跟餐加$28抵飲。馬賽魚海鮮鍋 $356據說用左龍蝦、蝦和魚等去熬的湯底，一路滾的時候，飄出陣陣似龍蝦湯的味道！海鮮鍋裡面有青
-
與男人在荃灣廣場睇戲前要先醫醫肚，可惜荃廣比我的感覺係無啖好食！最終都會去返對面街搵食（享和街/大壩街），最後揀左呢間新開不久的 “Hygge”，主打多國菜，最有綽頭必定係食完會變唐老鴨聲的氫氣球甜品！
我們約六點去到，還未到高峰的晚飯時間，大約到七點多人流開始不少。
餐牌上的選擇不少，大部分主菜更可加$38轉成套餐，會包括餐湯和飲品，黑板上也有列出是日精選。(餐牌在文末)
先黎蒜蓉味同提子味既餐前麵包，麵包微熱咬落軟熟，可搭配餐湯享用。
阿根廷芝士
4 瀏覽
0 讚好
0 留言
前菜有阿根廷芝士，食落充滿鹹香，但又唔會太鹹，食落仲帶點薯仔味，令我倆打開左胃口。
椰菜花湯
9 瀏覽
0 讚好
0 留言
椰菜花湯
第一次飲椰菜花味既西湯，質感打得很滑，飲落椰菜味很出，好飲又健康。
柚子蘋果沙冰及士多啤梨乳酪沙冰 跟餐每杯半價
$28
6 瀏覽
0 讚好
0 留言
柚子蘋果沙冰及士多啤梨乳酪沙冰 跟餐每杯半價 $28 （原價 $56）
分別點左兩杯果味既沙冰，賣相好解暑。飲落果味頗重不假，柚子蘋果沙冰飲落帶微酸，味道香甜解渴！士多啤梨乳酪沙冰有天然果香，兩杯都唔錯，跟餐加$28抵飲。
馬賽魚海鮮鍋
$356
4 瀏覽
0 讚好
0 留言
馬賽魚海鮮鍋 $356
據說用左龍蝦、蝦和魚等去熬的湯底，一路滾的時候，飄出陣陣似龍蝦湯的味道！海鮮鍋裡面有青口、蜆、原條馬賽魚和一些蔬菜。最印象深刻必定係原條馬賽魚，食落肉質嫩滑，魚味明顯，配上的海鮮湯底又很夾。
因海鮮鍋份量不多，所以也有跟上一碟意粉將之放入鍋裡，煮到收水就一碟海鮮意粉了！店家也很貼心的附上香草、欖油、芝士粉和鹽讓客人自行調味。
油浸法國鴨脾意大利飯
$112
8 瀏覽
0 讚好
0 留言
油浸法國鴨脾意大利飯 $112
鴨脾下既係蘑菇意大利飯，飯粒軟硬適中，唔會煮得太過腍無咬口，仍保持住飯芯帶少少硬度，汁同蘑菇味都很久，不過調味方面可以輕手少少。法國鴨脾很易將骨肉分離，外皮咬落帶脆，食落都幾香，此價錢有意飯又有鴨脾，很抵食！
「氫氣球」甜品
11 瀏覽
0 讚好
0 留言
食到最後餐廳更會送上食得又玩得既「氫氣球」甜品，成個氫氣球都食得架（記住條繩唔食得），一口將氫氣球吸入去，再講野把聲會變到唐老鴨咁好好笑！大約講一句說話就會消失，所以拎定電話拍片就岩晒，而個氫氣球男人話有食落有拖肥味添。
伯爵茶奶凍
3 瀏覽
0 讚好
0 留言
伯爵茶奶凍
奶凍質感入口頗滑溜，好濃伯爵茶味，又唔會過甜，小妹搶住黎食！
餐牌部份
張貼
