影片
更多
2015-09-14
370 瀏覽
今日早左黎元朗，係未夠鐘搵師傅淋巴排毒嘅時候，係附近行下諗住食少少野先。見到呢一個 "老點"嘅牌照，不覺會心微笑。因為係廣東話來講 "老點"係咩意思, 相信大家都知，只係我好奇咩原因，點解一間食肆會用左呢個名來做招來？究竟佢哋係食乜嘢嘅呢？入咗去望一望，原來係食點心既！嘅裝修係傳統嘅中式設計，好令人受落。而且店內仲掛有一啲詩句，更添味道。由於一心淨係想食少少嘢食點心，都係一個好唔錯嘅選擇。一盅幾件，唔會太飽，所以就決定坐低。每張枱有一本點心紙，由於呢一間食點心同傳統嘅酒樓有啲唔同，冇一壺茶俾你你自己慢慢嘆，要飲茶就要叫店員過嚟添茶。雖然每個人頭都有 HK 3茶費嘅收費。我覺得茶冇好飲，所以先叫咗個黑芝麻豆漿＄12，唔貴。睇到佢宣傳嘅餐紙上既介紹，原來呢度嘅點心師傅來頭唔少。而且非常注重用料，同埋食材，睇完後對呢一間噱頭嘅食肆有啲另眼相看。而且佢好識做推介，餐紙上面寫咗好多佢哋啲人氣之選，令人心郁郁咩都想試。仲有，佢唔係淨係賣傳統嘅點心，有一啲Fusion 嘅迷你漢堡，用左中式材料同煮法，去做嘅西式漢堡，睇落非常得意，就係咁左點，右點，叫左一堆點心。呢個唔係老點小漢堡 (HK 22)，小
見到呢一個 "老點"嘅牌照，不覺會心微笑。因為係廣東話來講 "老點"係咩意思, 相信大家都知，只係我好奇咩原因，點解一間食肆會用左呢個名來做招來？
究竟佢哋係食乜嘢嘅呢？
入咗去望一望，原來係食點心既！嘅裝修係傳統嘅中式設計，好令人受落。而且店內仲掛有一啲詩句，更添味道。由於一心淨係想食少少嘢食點心，都係一個好唔錯嘅選擇。一盅幾件，唔會太飽，所以就決定坐低。
每張枱有一本點心紙，由於呢一間食點心同傳統嘅酒樓有啲唔同，冇一壺茶俾你你自己慢慢嘆，要飲茶就要叫店員過嚟添茶。雖然每個人頭都有 HK 3茶費嘅收費。我覺得茶冇好飲，所以先叫咗個黑芝麻豆漿＄12，唔貴。
睇到佢宣傳嘅餐紙上既介紹，原來呢度嘅點心師傅來頭唔少。而且非常注重用料，同埋食材，睇完後對呢一間噱頭嘅食肆有啲另眼相看。
而且佢好識做推介，餐紙上面寫咗好多佢哋啲人氣之選，令人心郁郁咩都想試。仲有，佢唔係淨係賣傳統嘅點心，有一啲Fusion 嘅迷你漢堡，用左中式材料同煮法，去做嘅西式漢堡，睇落非常得意，就係咁左點，右點，叫左一堆點心。
呢個唔係老點小漢堡 (HK 22)，小漢堡係近期西式菜式好有人氣嘅菜式，估唔到呢度都有一個屬於自己嘅小漢堡！
佢係用咗蝦餅做中心靈魂，混雜特製芥茉漿汁。清香而小辣，非常開胃。係西化左既中式口味，西式小漢堡的造型，一口一個，無人可以抗拒，非常完美嘅配合，唔怪得知係佢人氣之選，實在滾動！呢度嘅是日燉湯沙參玉竹薏米燉豬展 (HK 42)。用料非常足夠，材料多到嚇親我，一啖湯一啖肉，熱辣滾動！燉湯內基本上有八成嘅材料，冇味精，無添加只售，係二人份量，食食吓忍唔住將啲湯渣搬咗出嚟，因為真係太多啦，阻住我畢湯。
嘩，湯渣足足有一大碗！呢個價錢做到咁嘅誠意真係非常感動，淨食肉渣都夠飽了。豬肉燉完仲係嫩既，好野！。如果我住喺附近就好啦，可以日日黎飲一碗足料靚湯。
呢度啲冬筍普通鮮蝦餃 (HK18)同咸香魚子燒賣 (HK 18)，用一個木箱裝起，特色係時size非常巨型。用了出奇地大隻既鮮蝦所做，誠意十足！原隻大蝦彈牙爽口仲要鮮甜，依家出面食隻籠蝦餃分分鐘係特點，價錢唔平之餘，亦都冇乜鮮味可言，真係好耐冇食過咁鮮甜嘅蝦餃。感動！
咸香魚子燒賣 (HK 18) 亦都係用上魚子醬做點綴，咁貴重嘅材料係本地化嘅菜式上，又係另一種感動。食點心都可以食到好矜貴，好滾動！
烏冬咖喱魷魚煲 (HK 22)，真心覺得呢個非常之好食。首先，咖喱係好好味嘅，而且佢個底度有好多烏冬，因為食點心有時一兩個人食，叫一碟炒飯又叫唔到太多點心，呢一個烏冬非常夠份量，熱辣辣嘅時候咖喱又非常之刺激，一個人食啱啱好！值得推介！結論係呢度嘅點心非常之有誠意，同出面傳統嘅茶樓比較，誠意同創意十足，價錢相宜，實在找不到不回來再吃的理由。廣東人嘅情意結--飲茶，始終都係生活嘅一部份，但係好嘅選擇真係越來越少。
老點雖然唔係一間大茶樓反而做到每樣野精益求精，而且將我哋一啲傳統嘅口味加左日式中式西式嘅做法，妙！
題外話/補充資料：
佢多元化既菜式，亦切合適合客人嘅要求同埋現在市場嘅需要。最重要一句。。。就係價錢非常非常非常之抵食！原本只係諗住食少少野，結果叫到一枱都係。但係我都係差唔多食晒，唔捨得浪費甘好味既認真製作。
點心真係香港人嘅情懷，邊忍心嘥左大廚做點心嘅誠意？
大家不妨多啲支持呢d 有誠意嘅本地餐廳。
(以上食評乃用戶個人意見 , 並不代表OpenRice之觀點。)
張貼
