新南苑私房菜火鍋鷄煲 (華僑商業中心) (已搬遷) 新店位置

4月尾終於可以同朋友一齊食飯，疫情多月，大家冇見幾個月了，當時仲係最多4人一枱，不過餐廳都係全滿。我哋選擇咗個海鮮餐，每位308未加一，有一份四人份量嘅海鮮拼盤同理手切牛頸脊。先食雞煲再打邊爐。雞煲叫咗少辣都幾麻辣下，我哋食完一煲都冇再加，個餐係任食雞煲嘅。湯底叫咗新鮮蟹窩花甲湯底，睇相似蕃茄粟米湯，比較淡，不過打邊爐淡少少就算吧。海鮮拼盤嘅蝦最出色，大隻有蝦膏，蟶子都大大條好飽滿，鮑魚同蠔都可以嘅不過唔好預係新鮮嘅。蝶牛頸脊好靚，呢份只有一條。之後任食款嘅肥牛好肥，同煙肉1⃣️樣肥，今人失望。任食嘅選擇比較少，餃子，丸，豬肉，雞件等等，質素實在水平中下，食得落肚但可以好少少。菜有幾款，例如生菜，旺菜，係出面自取。有些少食同冷盤都係放出面任拎，記得有泡菜，泰式雞爪，魚蛋等。飲品都係自己拎任飲。可以食足3小時，足夠時間朋友聚一聚。