LAVA (已結業)

入內型格酒吧格局，地方寬敞舒適，環境昏黃有情調。播放著輕快的西班牙音樂，令人好快投入異國風情。美食全是正宗西班牙菜式，材料更是西班牙直送。無論環境和美食都令人難忘，價錢相當合理，食完係有驚喜的。炒西班牙青椒 $68青椒好多條，炒到皮脆肉淋，非常有口感，味道唔辣，少少鹽調味，特色小食值得一試，價錢亦相當經濟。炸魷魚配青檸，辣椒 $88炸魷魚外層炸粉適中，口感酥脆唔油膩，內裡魷魚軟彈，水準不俗。西班牙藍肚蝦大蜆燴飯 $298原來都好大盤的，燴飯索汁入味，飯粒粒分明，口感軟硬適中，有陣陣煙燻味，飯底有脆口的飯焦。飯中夾雜了紅椒、洋蔥、西斑牙肉腸，食落咸甜惹味。藍肚蝦雖然細細隻，但就充滿海水味，鮮嫩甜美，令人一試難忘。大蜆同樣鮮美，在藍肚蝦之下顯得有點失色。大蜆：公平咩！西班牙油炸鬼波，朱古力雪糕 $88變咗球狀的油炸鬼，咬落鬆脆，灑了肉桂粉香氣四溢，內裡有榛子醬，配埋香滑的朱古力雪糕，食完都唔覺飽，美味甜品作結係幾開心的。