Ent Restaurant and Bar

營業中

休息中

上次去大尾篤，見到開咗間新餐廳，叫Ent Restaurant and Bar，就打算去試下。原來係一間墨西哥泰國Fusion餐廳，裝修行東南亞風，戶外有好多藤椅。一入去就見到長長嘅bar枱，室內一啲都唔侷促。我哋兩個見經理咁熱情推介啲招牌菜，好似全部都好正，決定全部嚟來一客，唔該!!首先上場嘅係南瓜湯，湯嘅質地較稠較，南瓜味好濃，飲落有少少南瓜蓉。點埋蒜蓉包食就啱啱好。我哋叫咗泰式沙津做前菜，味道普通，一如既往酸酸地，好彩啲料新鮮。M佬見到墨西哥pizza，雖然係一個素食pizza，都話一定要嗌，因為要睇下有咩特別。同意大利pizza唔同，嗰批底係好薄嘅玉米餅底，好似酥皮咁。而上面鋪滿黑橄欖、蘑菇、紅椒、青椒、芝士、番茄、芫茜，食落好香口，有少少辣，幾特別，值得一試!!主角墨西哥豬肉卷到啦!!! 唔好以為裏面只有豬肉，原來仲有吞拿魚，青椒同菜，非常足料。加上用焗爐焗，入口香脆。加埋墊底嘅炒飯，吸晒啲肉汁，正呀!!另外，有睇開我哋之前嘅介紹，都知道我哋好鐘意蕃茄醬意粉，今次呢個蕃茄海鮮意粉辣辣地，好有墨西哥風情，好開胃，啱晒我A姐!!呢度啲食物都比較濃味，如果唔食得辣嘅朋友，就未必啱啦