土耳其小城 (萬昌樓) (已結業)

晚上約老友吹水，想搵d持別少少的東西食，結果嚟左呢間位於元朗廣場附近的土耳其餐廳。由於已經嚟到星期五晚，個腦攰到咩都唔想諗，就order左個二人餐。個餐份量非常充足，味道也不錯。餐廳也很整潔亮麗，值得推介。 頭盤是一個名字漂亮的沙律 - 浮雲沙律 Fatoush。其實只是蔬菜沙律，很新鮮。 接著的土耳其芝士條 Turkish Cheese Rolls，非常好食。大概因為本人是芝士控，加上是炸物，也很難做到很難食吧。😅 南印度馬薩拉雞Chicken Tikka Masala ～ 味道很不錯，配烤餅或炒飯食都一流！ 蒜油烤餅 Garlic Naan ～ 有水準的 Naan，新鮮熱烘烘的。 咖哩草原牛肉炒飯 Beef Biryani ～ 中東味非常濃厚的炒飯，廣東人炒牛肉飯一般都會把牛肉處理至細細粒，呢個炒飯內的牛肉大大嚿，無諗過d牛肉可以這麽大塊用來炒飯。 芒果乳酸 Mango Lassi ～ 新鮮製造，味道調教得很合我口味。