橫綱

營業中

休息中

附近上完堂, 見餓餓地, 見到呢間店鋪都有人排隊, 於是把心一橫去試下。沾汁麵其實我本身都麻麻地鍾意係香港食拉麵, 一黎我覺得水準麻麻, 二黎又食唔到地道既味道. 所以我就點左個沾汁麵黎試下。一上到黎分量都尚算可以, 不過個麵底唔知係咪煮得耐左啲, 啲麵有啲糊同稔. 今次我係點左櫻蝦麵豉汁, 櫻蝦同麵豉既味道都有, 冇搶到大家既味道, 雖然沾麵汁係會鹹啲但個汁真係偏鹹左, 要飲水沖啖先得。叉燒都不過不失, 流心蛋亦做到流心既效果但蛋味一般. 整體黎講, 真係麻麻。