最想吃 (已結業)

以食物種類唔算多， 不過佢主攻係牛同豬， 其他野已經唔重要， 可惜俾我口感都只係合格無驚喜。見其他人都講話佢地招呼好有禮貌。 係既， 都係有禮貌既， 只係尋晚有個位令我有反感。 話說我同老婆尋日叫左兩個B 餐， 會跟1:魚生 2:小食便當 3:炸雞/雞煲 4:海鮮拼盤。應該係成枱各俾一份， 但係就黎左兩份海鮮拼盤， 我開頭都無為意， 因為同老婆食緊其他野同傾緊計。 突然聽到個男侍應鬧個女侍應， 跟住就係我枱到收走其中一個海鮮拼盤， 完全無同我交代過咩事收走左， 雖然我都聽到係個女侍應俾多左， 但係收走客人枱上面未食既食物， 個男侍應我覺得佢係需要同客人交代咩事。