SUKIYA すき家 (譽發廣場)

營業中

休息中

晨早去完油麻地果欄入貨，飢腸轆轆，食厭左一般既茶記ABC餐，諗起Sukiya有日式既早餐，同埋時間尚早既油尖旺區無咁人多，都可以休閒地坐一坐。早餐既組合花多眼亂，係多到要向店員查詢唔同餐既不同之處，建議可更清晰列明分量大小。揀左個801牛肉元氣早餐，隔一陣熱辣辣既飯餸黎左，先飲味噌湯，比較偏鹹，所以又食左醃椰菜清清味蕾，最欣賞係個餐既菜同肉既量夠平衡，唔會太heavy。之後將秋葵同溫泉蛋撈落白飯，最鍾意呢種滑潺潺既感覺，聽講都好有益，蛋汁又香。主角牛肉唔太肥，同洋葱煮得入晒味，早餐輕食黎講絕對收貨。