越軒牛肉粉專門店

營業中

休息中

**非堂食**經熊貓叫咗呢間外賣。感覺會唔會連呢間鋪既老闆都靜雞雞笑緊我傻：竟然真係會有冤大頭肯使呢個價錢食咁既質素既嘢。😈椒鹽軟殼蟹。簡直signature！係咬咗一啖即刻吐出來，連勉強入口都做唔到既果種難食。一入口，一陣極度唔新鮮既雪味，一陣陳油臭味即刻攻陷你每一粒味蕾。厚身到睇唔到蟹咬唔到蟹既炸粉，仲要含油到爆。就係咁，佢夠膽叫價106蚊！呢種自信，令人佩服。個咖喱。酸既⋯個河粉，軟爛到你以為食緊其他客食剩低既河粉。裡面既蘿蔔，又係同款雪味。濱海。老老實實，算好食既。我感覺成檯嘢食係度嘲笑緊我：咁你咪又係肯俾呢個價錢食？笨實！Fine，多謝今日既教訓。後會無期！