Burgeroom (Fashion Walk)

營業中

休息中

今日係附近聽seminar，完左搵食...友人話呢度好多好評，所以黎試下。比較失望，漢堡係足料的，但牛肉真係煎唔夠，無驚喜仲比較濕，如果可以鎖返啲肉汁係牛肉入面就好啲...包底都係濕到出黎...魚手指太粉及硬，唔係好合格，粗薯條只係不過不失，亦無咩服務可言...同老公分享返，佢話見呢度好多好評係咪好多人所以整得無咁好？但我同友人因為都算早，未完全到晚市較旺既時間，大概只係得幾枱人，所以似乎唔係太忙而影響質素...兩個漢堡，粗薯條，魚手指同埋一杯蜜桃茶大概$310..好多好評唔知係咪我地唔好彩。友人覺得魚手指唔ok，但漢堡無投訴，但無驚喜，不過佢補充話最近食到一間好中伏所以佢相比下覺得無咩野，但我個人就覺得唔太合格洗手間係抵讚，因為幾乾淨。