大盛日本料理 (已結業)

朋友請食飯, 想去間唔會好貴o既壽司店, 但又有質素o既, 諗來諗去, 還是覺得大盛係首選~~ 今次係第二次o黎食,味道仍舊好味!! 今次 order 咗:三文魚壽司: 8吋長, 真係冇得頂!!! 而且, 只係 $15, 感覺係最抵~~~鰻魚壽司: 鰻魚係長長o既, 不過應該冇8吋, 味道唔錯~ (~我覺得一壽司o既好味啲~)玉子壽司: 玉子形狀好特別, 大大舊, 飯就得少少 (~真係好少~). 我覺得幾好食, 又特別, 但我朋友就話食落好奇怪, 唔鍾意~蠔壽司及軟殼蟹壽司: 味道 ok~三文魚刺身: 又係必叫之選, 因為實在抵食~~ 刺身好厚, 好肥美 (~不過, 比上次薄咗~)!!帆立貝刺身: 都幾新鮮, 但相比較, 還是三文魚刺身抵食~蟹子沙律: 聽朋友話好 fresh, 好好味 (~我唔食沙律~)鮮蝦炒烏冬及海鮮炒飯: 都幾好味, 填肚之選~~大蝦天婦羅: 好好味!! 蝦大大隻, 新鮮熱辣, 都幾鮮, 而且, 一蝶都幾多, 計返都幾抵~~我哋一行9 人, 約$690 (~有用9折卡~)。雖然唔算好飽, 但以壽司店來話, 的確係唔貴又幾好食的一間店~~~