大漠 (已結業)

今日一行四人去到大漠，因早幾日巳訂了枱，知道一定不用等位！當我地準時去到，發覺其實可以不用訂枱亦有位！舖內環境都算ok，侍應表現親切，之前睇了open rice內綱友推介此店既食品，心中亦知道要叫什麼！但有些食品都好想知道是什麼， 於是問侍應佢地好有耐心去解答，感覺有禮同好親切！當晚我地叫做有鴨胸老虎菜、羊鞍、咖喱牛肉、哈蜜瓜炸牛腩、串燒三拼(牛羊雞各二串﹞、烤餅。我同個女性朋友叫左一杯花茶叫做心心相卬，都幾好飲，最後甜品佢地送既羊奶凍，感覺幾滑味道不錯。本人覺得最好食係羊鞍，真的好正。而牛方面我俾唔到意見因我完全唔食牛，我問左我老公佢話個哈蜜瓜炸牛腩幾好食。其實同綱友講既都幾對板，因為我係一個好鍾意食羊既人， 喺香港好難揾到一間較為多羊食而水準亦唔差既食店，大漠喺一個唔錯既選擇！大家要留意大漠逄星期三休息嫁！