蝦麵店 (蘭杜街) (已搬遷) 新店位置

見好評如潮，就試下啦。感覺好普通既蝦麵，但係賣得唔平(＄66)。首先湯底好水，唔濃郁，辣味同湯唔夾，亦都無蝦油，同馬來西亞街邊小店食既差太遠，不算正宗。其次66蚊一碗麵，餸太少，豬肉好乾，蝦好似係雪藏野(無咩味)。另外麵唔掛湯，唔連湯食又係無咩味。總括而言:麵係麵，湯係湯，餸係餸，汁係汁，所以食物唔能夠互相配合得倒。串燒雞肉亦都係咁，個人認為醃製得唔夠入味，花生醬料其實同雞肉唔夾。再加上服務亦麻麻地，希望會改善下。