影片
更多
2009-12-20
27 瀏覽
初初諗住搵間cafe可以俾我同班friend傾計,仲可以玩下琴同結他,於是搵到呢間day and night,未去之前都幾期待但去到之後,一入到去,一個人都冇,我同班friend都窒左窒,以為搵錯地方,(連waiter都見唔到!!!一個人都冇!!!)之後我地就係咁嗌「唔該,唔該,有冇人呀...」有個男仔走出黎,好愕然咁望住我地,我地問佢可以入得黎坐未,佢就走番入去問人,大佬呀,你間野開一點架嘛,我地三點上到去,你仲要入番去問人?俾我覺得佢好似遊緊魂咁。之後個waiter話,六點前要走,其實我地都冇諗住坐到六點之後先走,因為大家趕住番屋企,但未坐低就俾人set左個timer倒數,感覺唔良好。之後就坐低左,叫野食,其實都唔諗住有好高既水平,因為始終係樓上cafe,我d friend食泡芙,我就食炸芝士三角脆脆,上碟既時候,見到個份量得好少,已經覺得俾佢呃左咁,到我果碟,成碟都好油膩,份量都係好少好少,每個人五十蚊得咁少野食,仲要唔係好味,真係有點失望,唯一好既地方就係有部琴俾人彈,我地自己有帶guitar上去玩,六點前就走左嚕。除左野食,有樣野唔太滿意,就是間cafe既background
於是搵到呢間day and night,
未去之前都幾期待
但去到之後,一入到去,
一個人都冇,我同班friend都窒左窒,
以為搵錯地方,(連waiter都見唔到!!!一個人都冇!!!)
之後我地就係咁嗌「唔該,唔該,有冇人呀...」
有個男仔走出黎,好愕然咁望住我地,
我地問佢可以入得黎坐未,
佢就走番入去問人,
大佬呀,你間野開一點架嘛,我地三點上到去,
你仲要入番去問人?
俾我覺得佢好似遊緊魂咁。
之後個waiter話,六點前要走,
其實我地都冇諗住坐到六點之後先走,因為大家趕住番屋企,
但未坐低就俾人set左個timer倒數,感覺唔良好。
之後就坐低左,叫野食,
其實都唔諗住有好高既水平,因為始終係樓上cafe,
我d friend食泡芙,我就食炸芝士三角脆脆,
上碟既時候,見到個份量得好少,
已經覺得俾佢呃左咁,
到我果碟,成碟都好油膩,份量都係好少好少,
每個人五十蚊得咁少野食,仲要唔係好味,真係有點失望,
唯一好既地方就係有部琴俾人彈,
我地自己有帶guitar上去玩,
六點前就走左嚕。
除左野食,有樣野唔太滿意,就是間cafe既background music太大聲,
其實都幾騷擾,
個loud speaker仲要係放o係個琴上面,
當我地彈琴既時候,
其實係聽唔到自己彈咩囉,
我地又唔想彈得咁大聲騷擾其他人,
但佢d music開到咁鬼大聲,
部琴同個speaker鬥大聲,結果有點嘈,到最後咪又係騷擾到其他客人...
呢間cafe俾人評到咁好,我先考慮帶班friend上去,
但宜家覺得只係一般,下次唔會再去囉
張貼