Teru Teru Bōzu (已結業)

某日星期六中午，要嚟銅鑼灣整野，完成後肚餓了，但又有D感冒😷，唔知食咩好，突然間醒起呢間蒸鰻魚飯想試喎，望一望時間仲趕得切佢lunch hour。搭𨋢上到嚟，一個客都冇（因為我真係2:20先嚟到），唔理啦，照坐底，即叫呢set蒸鰻魚飯定食吧（我都唔想阻人地落場呢～）雖然唔洗等好耐，但成set鰻魚飯上枱，係熱辣辣架，打開蒸籠後，好精緻呀D鰻魚擺得，流晒口水喇。鰻魚件數多，同飯中間有蛋絲，幾清，但又好味喎，另一個蒸籠係菜與幾片豚肉，夾埋一齊可以點三款醬汁（因為係清蒸，點醬食先有唔同滋味）不過得覺得就咁食都食到菜本身既甜味。成set食完覺得好滿足啊。