札幌拉麵屋

營業中

休息中

要係北角吃日式拉麵，小弟必然光顧碼頭對面嘅札幌，貪佢有日式風味之餘價錢亦相宜。水準當然不及中環嘅另一所sapporo，但這裏還是吃得過的。屈指一算都有大半年冇來過。是夜拉麵癮起，又不想花太多銀両，呢度自不然係最佳選擇...雖然極肚餓，理應叫套餐，有麵有餃子或donburi，仲唔夠飽 ? 但見天時極熱，不吃吃冷麵，更待何時 ?通常吃日式冷麵，配料大多係日式义燒，但是次見到有個叫海鮮嘅，好像頗特別，就來試試。話明係冷麵，先決條件當然係夠凍 --- 乘麵嘅碗要預先放入冰箱冰一下，麵亦要凉夠彈口。這裏嘅出品亦算合格；配料有蝦、魷魚及蟹柳絲，當然不少得大量紅薑絲及青瓜絲，加一點點黄芥辣更是必須。小弟一見到蟹柳絲當堂就眉頭皺la，不過蝦味頗甜，魷魚亦不會韌得像擦膠，已算收貨...小弟反而覺得失望的是普通湯拉麵嘅水準。試一口太座碗麵豉湯底，完全不對味，不夠濃，很淡，吃落似普通醬油湯底多一點(仲要係唔夠味嗰隻)；义燒淡而無味，完全沒有滷過嘅跡象；麵亦淥得淰了一點，點攪架 ?有點失望，希望只是一時失手la...