翠華餐廳 (已結業)

於六月五日下午約了友人行街，但因為友人肚餓所以貪方便入了此店，其實去茶餐廳但求快靚正從來沒有要求有什麼service, 但基本對客的態度是否應該要有呢？話說我地一行三人要同其他客人share一齊坐張六人枱，而本人剛好坐了中間位置被左右夾攻，這不是問題因為明白寸金尺土，而基於張枱坐得不是太鬆動攤開餐牌睇時佔用的空間大過我坐的空間，因此為免自己睇餐牌時會騷擾到左右兩邊人，於是自然地將餐牌好似書本咁向外對摺以省空間，這時有個阿叔態度很惡劣語氣很差地示意不要對摺餐牌，佢講兩次我地先知道佢原來同我地講緊嘢，當我定神時不斷同呢位"教官"say sorry ! 我只想安安樂樂食完就走，而眼見佢對其他客人態度也是差不多，飲食業長期缺人這點絕對明白，但是否如此態度差勁的伙記也可接受呢？這是倒米呀！呢次經驗係用錢買氣受！