影片
更多
2017-03-03
724 瀏覽
今晚約左班同事又黎呢間韓式燒肉!! 之前食燒肉都鍾意黎呢間, 因為味道唔錯, 而且又係韓國嘅店舖。今次都隔左一段時間先黎喇。突登約早啲, 因為之前食都要等得耐, 約左6點3。去到樓下見冇人排隊, 而且有朋友未到, 就坐底等下先, 餐廳有時限, 用餐時間90分鐘。同事到齊就上去攞位, 時間都早, 但都有唔少人食緊。裝修方面係典型韓燒, 圓型桶枱同方型枱都有。枱同枱之間唔算逼。坐底之後, 侍應都會倒蛋漿, 一邊原味, 一邊加左泡菜, 呢個爐邊蛋係可以無限refill架。90分鐘內我地都refill左3次。蛋燒到就熟就最好味, 滑嫩的, 個人鍾意泡菜味蛋多啲。配菜有醃洋蔥, 泡菜, 豆芽同生菜。配菜都係唔洗加錢, 免費refill的。醬料有3款, 鹽加麻油, 韓式辣醬同韓式豆瓣醬。一頭牛套餐: 有5款牛肉同2款菇。最左手邊, 中間成個花型同埋後面4塊原切牛肉係最好味架。肉質唔靭而且有油香。前面花型嘅牛肉唔好睇佢好瘦甘, 其實佢都好嫩, 而且一啲都唔嚡口, 包著泡菜食, 真係唔錯。但係肥牛同右手邊深啡色嗰款牛肉就麻麻喇, 太見而且肉味差少少。一頭豬: 呢個餐我覺得唔多得。五花腩勁肥, 之前食過
去到樓下見冇人排隊, 而且有朋友未到, 就坐底等下先, 餐廳有時限, 用餐時間90分鐘。同事到齊就上去攞位, 時間都早, 但都有唔少人食緊。裝修方面係典型韓燒, 圓型桶枱同方型枱都有。枱同枱之間唔算逼。
坐底之後, 侍應都會倒蛋漿, 一邊原味, 一邊加左泡菜, 呢個爐邊蛋係可以無限refill架。90分鐘內我地都refill左3次。蛋燒到就熟就最好味, 滑嫩的, 個人鍾意泡菜味蛋多啲。
配菜有醃洋蔥, 泡菜, 豆芽同生菜。配菜都係唔洗加錢, 免費refill的。醬料有3款, 鹽加麻油, 韓式辣醬同韓式豆瓣醬。
一頭牛套餐: 有5款牛肉同2款菇。最左手邊, 中間成個花型同埋後面4塊原切牛肉係最好味架。肉質唔靭而且有油香。前面花型嘅牛肉唔好睇佢好瘦甘, 其實佢都好嫩, 而且一啲都唔嚡口, 包著泡菜食, 真係唔錯。但係肥牛同右手邊深啡色嗰款牛肉就麻麻喇, 太見而且肉味差少少。
一頭豬: 呢個餐我覺得唔多得。五花腩勁肥, 之前食過單點嘅五花腩, 都冇試過甘肥架。豬皮唔多識點燒, 食落普普通通, 唔係甘啱我口味。豬頸肉約幼幼一條, 食落唔似豬頸肉, 冇咩口感。豬大腸同護心肉算係最正常, 豬大腸燒完之後, 外皮脆脆, 同內面脂肪一齊食, 油香味十足, 冇"蘇"味。護花肉燒耐左都唔會靭, 依然少少爽口。
食燒肉唔少得飲酒, 米酒好好飲, 酒精味唔濃, 少少酸酸地, 易入口, 可惜價錢有啲貴$120 1支。我覺得啲燒烤盤可以換過新嘅, 因為勁易痴底, 基本上燒完一次肉就要換盤的。以前黎都冇試過要換盤換得甘密。
服務方面有啲參差, 有啲侍應會自動自覺換盤, 但有啲就好似睇唔到甘。下次黎都係單點好過叫餐呢~
張貼
