閩南小食館 (已結業)

素知北角住咗好多福建人，但相對地食福建嘢嘅食店反而不多。只知响呢度及春秧街入面有一間...响屋企附近亦有一間老好清香。今次可以試作一個比較...相對上老好清香係一間比較"純"嘅福建小食館，而呢度就夾雜咗少少潮菜及廣東菜...嚟呢度嘅最大原因當然係為咗個土筍凍la...呢款地道福建小食，當然唔係處處可以食到la。D人話好怕食凍入面嘅沙蟲，我就一於好少理，先食之而後快...沙蟲質感有少許煙靱，但頗鮮甜，配合汁凍再醮上麻豉油而食，不錯...太座叫嘅馬鮫蠔仔麵線就水準一般。味太淡，蠔仔亦不夠肥美，馬鮫味亦頗腥，相信不喜歡吃魚腥嘅朋友一定調頭走...炒麵線有蠔仔、魚條、腩肉、蝦仔、冬菇絲及椰菜絲等等嘅配料，炒得濕濕哋，最重要係加咗豬油炒，劣等菜餚登時飛上枝頭變鳳凰...再追加一碟五香雞卷。皮炸得頗脆口，餡料亦足--- 冬菇絲、粉絲、芋頭蓉、豬肉及雞肉，份量夠，醮上甜酸醬而食，開胃。若果五香味再重一點會更好...若果小弟嘅屋企或公司响附近，必定係常客..