TAP The Ale Project (已結業)

第一次到呢間餐廳喺黑布街，當時環境逼夾，但係好鍾意個氣氛，周圍都係外國人，感覺上係澳洲嘅餐廳☺️但係旺角執咗笠，而家淨係剩返呢一間新開南豐紗廠！因為太掛住個炸雞翼，做完運動特登過嚟食個雞翼飲過啤酒！呢邊嘅環境闊落，而且裝修好靚，工業水泥風設計感覺更加chill，外面對住個平台，環境舒服好似渡假！啤酒唔再講啦，種類繁多，又有手工啤，餐單入邊會介紹酒名酒廠濃度鍾意飲甜嘅可以試吓momo mango好似芒果啤酒😊而且啤酒仲可以揀唔同嘅份量個炸雞翼完全唔會令我失望，外脆肉嫩❤️配合返特別嘅腐乳醬🤤食完簡直想encore繼續成為我最愛嘅酒吧餐廳