影片
更多
2023-04-25
382 瀏覽
夜晚喺旺角想搵個地方食飯飲嘢又有個好選擇，今晚我就去咗【Base3】，一直以嚟對酒吧餐廳嘅食物水準無乜大期望，但今晚就有驚喜。 餐廳以紫藍色為主調裝潢，有少少夢幻感覺，座位舒適，音樂聲量適中，飲飲食食傾吓計就啱晒。【白雪公主】用蘋果、玉桂同Tonic調製嘅Mocktail，上面一卷燒過嘅玉桂，顏色啡啡黑黑應該係想表達「有毒」嘅蘋果，切合返「白雪公主」故事。蘋果同玉桂嘅組合真係未試過，飲落又幾夾。【BANANA MOCHA】好靚嘅飛馬拉花圖案，好有心思。咖啡但係淡淡香蕉嘅果香，味道又幾夾。【Gillardeau no.2生蠔】四隻蠔都好大隻，色澤水潤，口感爽滑。蠔肉鮮甜無比，少少海水咸香後面仲帶回甘，幾高質。【BASE 3 TRIO 基地叁～重奏】一客有三種頭盤。【風乾火腿配蜜瓜】爽甜多汁嘅蜜瓜配幼嫩火腿，鹹甜交集。【柚子漬海鮮】有帶子、蝦、北寄貝、八爪魚等多種海鮮，用柚子汁酸甜清新。【法式田螺】田螺彈牙，薯蓉幼滑。【基地海鮮湯】都幾足料，有帶子、蜆、八爪魚、蝦。湯味道酸甜鮮美開胃，跟湯仲有蟹籽忌廉多士，蘸湯食更加好味～【黑松露野菜暖沙律】好大碟沙律，有煙燻豬面肉、青豆、珍珠小洋蔥、櫻桃
【白雪公主】用蘋果、玉桂同Tonic調製嘅Mocktail，上面一卷燒過嘅玉桂，顏色啡啡黑黑應該係想表達「有毒」嘅蘋果，切合返「白雪公主」故事。蘋果同玉桂嘅組合真係未試過，飲落又幾夾。
【BANANA MOCHA】好靚嘅飛馬拉花圖案，好有心思。咖啡但係淡淡香蕉嘅果香，味道又幾夾。
【Gillardeau no.2生蠔】四隻蠔都好大隻，色澤水潤，口感爽滑。蠔肉鮮甜無比，少少海水咸香後面仲帶回甘，幾高質。
【BASE 3 TRIO 基地叁～重奏】一客有三種頭盤。【風乾火腿配蜜瓜】爽甜多汁嘅蜜瓜配幼嫩火腿，鹹甜交集。【柚子漬海鮮】有帶子、蝦、北寄貝、八爪魚等多種海鮮，用柚子汁酸甜清新。【法式田螺】田螺彈牙，薯蓉幼滑。
【基地海鮮湯】都幾足料，有帶子、蜆、八爪魚、蝦。湯味道酸甜鮮美開胃，跟湯仲有蟹籽忌廉多士，蘸湯食更加好味～
【黑松露野菜暖沙律】好大碟沙律，有煙燻豬面肉、青豆、珍珠小洋蔥、櫻桃蘿蔔、沙律菜，最特別係有雅枝竹芯，貴為蔬菜之王，營養豐富，有助減肥。黑松露味香氣突出。
【荔枝木煙燻M8和牛腹肉】店員將個木盒放上枱，初頭我哋以為有贈品送。一打開即刻冒出煙，和牛腹肉軟腍，濃郁肉味帶淡淡果香，燒汁亦都出色，蘸汁食有另一番風味。配菜嘅蔬菜比肉牛腹肉更加吸收煙燻味，味道特濃。
【Base Dessert Platter】金色嘅旋轉鞦韆上，每個小鞦韆都放有小甜品，包括macaron、泡芙等等，好似去咗遊樂場咁令人開心舒懷。
張貼
