Maki拉麵 (已搬遷) 新店位置

作為莞茜控又為食嘅我，好留意莞茜美食，比我知道油麻地*MAKI拉麵*有莞莤拉麵就要去試試。門外裝修好似日本街頭小食店，店內細細，但感覺好舒服。今次目標莞茜拉麵係期間限定，細問店主之下每兩個月就會換一次，以唔同顏色為主。好有心思，搞到我都好期待下次係咩顏色咩口味。兩碗拉麵賣相已經好吸引，好香好濃郁，拉麵可以揀好自己鐘意既煙韌度。原來店主曾經到日本學師，唔怪之得咁好味啦。莞茜拉麵，成個湯底都係綠色，個面勁多新鮮莞茜。碗拉麵梗係唔止莞茜，裏面仲有蟹肉，雞塊，仲有粒紫色流心蛋，絕不馬虎。好奇之下，問問店主，原來用左啲蝴豆花浸制而成，好特別。味噌豚骨濃湯拉麵，叉燒每塊都有火炙，每一啖都好香口同軟腍。成個湯底掛哂係麵度，枱上仲有啲醋可以加少少，另有一番味道。雖然碗麵係朋友，但我都飲左佢好多湯。🤣另外叫左蔥花蛋卷，雞軟骨同烤年糕，最特別係雞軟骨，真係大大件既軟骨，雞肉嫩、軟骨爽口。食野期間，有食客讚同比左啲意見，見店主都好謙虛同超有禮貌，超讚。