影片
更多
2022-09-12
33 瀏覽
英女王逝世，趁住周末就去中上環漫步，感受日漸褪色嘅殖民地色彩。由皇后大道中行到海味街，傍晚時分海味道已關門，周圍比較僻靜，但仍有餐廳營業，包括呢間裝潢幾有格調嘅【Suit Coffee & Sake】。餐廳主打西-日式fusion菜，仲有多款清酒選擇。簡約但有格調嘅裝潢，配合著旋律輕快嘅音樂，感覺好chill好relax。店員推介來自日本新潟縣嘅清酒【阿部Vega】，酒味帶果香兼酒精量較低，口感清爽輕盈，成個人感覺好fresh，好適合夏天飲。【Squid & Chorizo】板燒魷魚&西班牙香腸粒，底下有青椒泡沫提味，食起嚟好惹味。上面嘅炸腐皮超級鬆脆兼充滿豆香。幾出色嘅前菜！【Grill Green & Bottega】食啲蔬菜均衡營養，蔬菜都幾多款，有紅蘿蔔、秋葵、粟米荀、露荀等等。將雜菜香烤再加香蒜柚子，鮮甜中帶可口，連平時唔鍾意食咁「齋」嘅我都覺得好食。Daily Pasta係【黑蒜虎蝦意粉】，意粉幾creamy，蒜香味濃，意粉中間加咗啲秋葵切片，中和返個味道，幾有心思。虎蝦有六隻都算多，可惜稍嫌唔夠爽口。【1/2 Yellow Chicken (Limited)】熟成處理再用
餐廳主打西-日式fusion菜，仲有多款清酒選擇。簡約但有格調嘅裝潢，配合著旋律輕快嘅音樂，感覺好chill好relax。
店員推介來自日本新潟縣嘅清酒【阿部Vega】，酒味帶果香兼酒精量較低，口感清爽輕盈，成個人感覺好fresh，好適合夏天飲。
【Squid & Chorizo】
板燒魷魚&西班牙香腸粒，底下有青椒泡沫提味，食起嚟好惹味。上面嘅炸腐皮超級鬆脆兼充滿豆香。幾出色嘅前菜！
【Grill Green & Bottega】
食啲蔬菜均衡營養，蔬菜都幾多款，有紅蘿蔔、秋葵、粟米荀、露荀等等。將雜菜香烤再加香蒜柚子，鮮甜中帶可口，連平時唔鍾意食咁「齋」嘅我都覺得好食。
Daily Pasta係【黑蒜虎蝦意粉】，意粉幾creamy，蒜香味濃，意粉中間加咗啲秋葵切片，中和返個味道，幾有心思。虎蝦有六隻都算多，可惜稍嫌唔夠爽口。
【1/2 Yellow Chicken (Limited)】
熟成處理再用鹽麴調味嘅三黃雞，咬落去雞皮脆到乳豬皮咁，連一向去雞皮嘅我都忍唔住食埋。雞肉亦相當嫩滑，肉味濃郁，肉汁豐富。呢次絕對係到目前為止食過最好食嘅雞，無誇張😋👍🏻👍🏻👍🏻～
張貼
