祥仔辣辣 (The LOHAS) (已結業)

本地自架遊車河，遊下遊下就去到康城，一年都冇黎到一次嘅地方，不過幾好就係有消費就有free parking 👍🏿👍🏿。難得黎到食d未食過嘅款式，最後行咗一陣，搵到間新式酸菜魚，環境十分舒適。睇吓餐牌，我當然叫返個招牌祥仔酸菜魚🐟啦，價錢都算合理，都係$248，不過問店員可否要小辣，店員都好細心講解，有大、中、少辣，最後揀咗少辣😆😆另外每人叫一個午餐，一個去骨海南雞飯同埋一個瑤柱冬瓜肉碎泡飯，應該都夠食。去骨海南雞飯，海南雞好嫩，油飯食落唔會超級油，鹹甜味道適中剛剛好👍🏿👍🏿。瑤柱冬瓜肉碎泡飯，湯底濃郁，湯底做得唔錯，食完唔會覺得好鹹，而且啲飯粒好入味，正👍🏿👍🏿👍🏿。招牌祥仔酸菜魚嘅味道非常獨特，叫左少辣嘅麻辣都好惹味嫩滑，😍😍最緊要係冇魚骨，酸菜食落好開胃，底下仲有蓮藕、菜芽、萵筍配菜，樣樣都好入味，而且愈食愈想繼續食😜😜辣得好吸引，個湯都有飲到😋！