真心泰國菜館 (已結業)

又係同米米一月一聚的好時光，今晚佢約左我去真心食，因為食完佢係呢邊有小巴答反屋企。第一次同佢去食泰國菜呀，呢度價錢比較平，又位於市中心，相當之就腳易搵。泰式雞扒咖哩炒河68咖哩香幾好，但我鐘意重口味，自然覺得淡口些，呢度patai係大河粉，不是太入味，雞扒量少，而且有點鞋。喇沙雞絲米粉65加10豬頸肉十分好吃，花生香濃，比例適中，米粉又索汁，唯雞肉未去皮不太好，豬頸肉賣相可以，肉質不過不失。跟餐飲凍青檸水咸咸地幾清新朋友的凍海底椰冰加5椰青48大家都讚，清甜夠掂，唯價錢略高。甜品椰汁大菜糕少少甜，清爽結尾。食後感：今天m痛了四五小時，約好了朋友也不打算吃太多了，但原來上面的食物量都幾合理多，吃到好飽呢。P.S.天氣乍暖還寒，吃熱食帶點辛的泰菜確是不二之選，餐廳價錢挺便宜，質素ok，現在不想等太耐去食泰菜，呢度又唔錯。