海南少爺 (已結業)

成日掛住海南少爺既椰香海鮮喇沙，今日嚟開尖沙咀就食啦！Yeah~ 樓底高光猛，早嚟到或者有定位更加可以坐海景窗位。飲個荔枝茶甜茶香，呵呵！惹味軟殼蟹洋蔥配新加坡黑胡椒汁，食落好似黑椒豬扒！軟殼蟹大大件肉軟軟脆多多汁，新加坡黑胡椒汁食落甜中再辣，好有星馬風味。味道唔會咸就好加分😏椰香海鮮喇沙參巴醬、海蝦、豆卜、魚片同埋流心蛋，超正！每次必點！之前試過lunch一人一碗就係專食依個！海蝦正左係原隻🦐彈牙仔！香濃椰奶湯底~ 麵底都多夠飽！海南雞飯拼馬來西亞肉骨茶油飯/白飯呢由得大家揀~我就梗係要油飯啦，夠香熱油😆 海南雞飯嘅標配！海南雞下面嘅青瓜點蒜蓉醬，好似東北醬菜😆 雞肉轉雞胸或者雞髀都要加$8，我哋無加靠運抽中食咩部位就咩部位。馬來西亞肉骨茶藥味十足比星款藥材味多，有齊冬菇、杞子、枝足、排骨。